祥仔偶像底子似足小豬
藝人阮兆祥日前到《東網》的《娛樂onShow》與主持人俞詠文分享「扮嘢」心得，而提到模仿羅志祥（小豬）時，祥仔竟自誇與小豬非常相似，因彼此均是「偶像底子，唔怕搞笑」！
「扮嘢高手」阮兆祥（祥仔）最近獲邀來到《東網》的《娛樂onShow》，並與主持人俞詠文（Angela）暢談扮嘢心得！祥仔入行至今，曾扮演多個本地、台灣和韓國等明星令人印象深刻，當中以扮台灣舞王羅志祥（小豬）最匪夷所思，問到祥仔為何可將小豬扮演得活靈活現？他說：「我見到小豬嘅時間，都當佢係一個偶像，連扮佢套衫都係自資去做，又請排舞師去教我跳舞！我好欣賞佢，其實佢係有做偶像嘅條件，但佢好樂於扮醜、去搞笑！我覺得佢呢樣同我好似……」此時Angela即笑說：「即係你同佢都係偶像底子，但唔怕搞笑？」祥仔聞言也點頭笑說：「係呀，因為我平時係行實力，最近先行偶像路線，因為覺得咁樣舒服啲！」
下苦功唱韓文歌
而提到扮韓星Psy和韓國組合Big Bang成員太陽時，祥仔自言為了扮他們唱韓文歌，也下了不少苦功：「我真係逐句聽完之後，再用我嘅語言去翻譯出嚟，然後再唸！」不過通常在模仿別人的過程中，難免會有醜化的情況出現，不過祥仔卻感謝婚姻介紹人Mei Ling和歌手陳奐仁沒有對他的模仿產生反感，更大讚他們樂觀：「我好開心係，佢哋唔介意我扮佢哋之餘，仲係好配合，而且仲會用一個樂觀嘅心情去睇，真係好豁達！」
此外，明年將是祥仔入行30周年，為慶祝如此重要一年，他特意於今年12月，舉行首個個人演唱會！而問到祥仔為何有此構思？他說：「突然有一日望到日曆，原來下年係入行30周年，所以想畀樣功課自己，紀念一下。」
文：專案組