吳尊重口味愛擦仔屁股
台灣型男吳尊早前自爆秘婚並已做了父親，事發後他昨日首次來港出席活動，就大談當爸爸的樂趣，表示最愛替兒子大便後擦屁股，笑言擦屁股的乾淨指數是全家之冠！
昨日廸生集團旗下、全新一站式化妝美容概念店BEAUTY AVENUE隆重開幕，大會特別邀得台灣型男吳尊、藝人林峯及周麗淇、盛君，以及模特兒傅嘉莉等出席。吳尊早前自爆秘婚，已育有一女，最近再添一子，再當爸爸的他表示因拍劇和湊小朋友而十分疲累，但仍難掩興奮，訪問時更風騷自認super daddy，他說：「我一有假期就會返汶萊，犧牲咗好多休息時間，但值得！」（兒子改咗名未？），改咗不過唔好講，個名係有開心意義，最重要想佢開心。」
囡囡錫弟弟冇呷醋
記者笑問女兒長得像不像跟他相似的女星鍾嘉欣？他笑說：「未長大未知，不過似佢都唔錯，佢咁靚女。（囡囡有冇呷弟弟醋？）佢好錫弟弟，食飯食兩口就走去睇佢。」問吳尊可有幫手帶小朋友？他即雀躍地說：「我係super daddy乜都做，最叻係佢大便後幫佢擦乾淨，因為我好注重乾淨，家人當中我擦得最乾淨。」他又透露工作完畢便會立即飛返汶萊，提早慶祝兒子滿月。
買化妝品獎勵太太
至於可有甚麼獎勵給為他生了一對子女的太太？吳尊笑說：「買化妝品畀佢啦，我每次出國佢都會叫我買嘢畀佢，好多人都叫我幫手買化妝品，因為汶萊冇，所以幾年後都考慮自己開番間。」問到可會再造人？他續說：「有仔女已經覺得好幸運，再生會分散注意力。」他又表示之前要守着做父親的秘密蠻辛苦的，而太太被指產後肥胖，他謂夫婦二人都不介意，因為喜悅已掩蓋一切。
文：名人組