阮兆祥開心果捱出頭

藝人阮兆祥入行30周年，當年憑參加業餘歌唱比賽而入行，其後有望推出專輯卻遇上「滑鐵盧」，輾轉下成為了DJ、演員、主持等等，不過祥仔對唱歌的熱誠一直未減，更將於十二月舉行三場「阮兆祥2013一祥朋友演唱會」，實行以歌會友。

如果當年在業餘歌唱比賽上贏到李克勤，今日會否是另一個世界？祥仔說：「輸咗，就更加要證明自己，如果唔係都唔會做DJ、做音樂節目、之後入埋EYT，為『搞笑』打咗個底。」繼早年勇奪「最佳男配角」、夥拍汪明荃組成「荃加福祿壽」、如今更擔正開個唱，可有感守得雲開？祥仔好「貪心」話：「算係上咗軌道啦，但我仲想搞棟篤笑、舞台劇喎！」

世界仔識轉彎

入行多年，祥仔見盡不少人同事，深明花無百日紅的道理，問到在娛樂圈打滾如何才可以「襟撈」？祥仔有一套哲學：「正如我首新歌《世界仔》一樣，遇到不如意嘅事，就要識轉彎，其實個天係考驗緊你，總有一日會畀機會你。」

作為演員的祥仔曾勇奪「最佳男配角」。	祥仔（右）與汪明荃等人組成「荃加福祿壽」，為觀眾放笑彈。	祥仔（左）曾扮沈殿霞（右），他希望如對方般做「開心果」。

祥仔又主動提到早前遇上的車禍，他輕描淡寫憶述：「當時真係好慌，仲要冇咗架車，但其實換咗健康。」祥仔希望可以身教港人，不要太着重得失，亦希望可以接「肥姐」沈殿霞棒，成為大家心目中的「開心果」。

場地：銅鑼灣利景酒店　

髮型：Eddykwong@Salon Square

文：音樂組