張家輝爭帝 最驚梁家輝

兩大影帝張家輝及梁家輝前晚雙雙出席男裝品牌活動，均獲提名今屆《金馬獎》最佳男主角的他們，坦言有幸能入圍如此有紀念價值的第50屆《金馬獎》，實在非常榮幸。

入圍已贏晒

對於今年「雙輝」再現，競逐最佳男主角一事。張家輝坦言：「我冇乜諗獎項，我會當係參加一個Party咁！（你哋有冇分享賽前心情？）我同佢講最驚係你。（打定輸數？）冇乜點諗，又唔係隻揪！」

而梁家輝則表示：「今年有三個香港代表入圍金馬，我覺得已經贏晒，就算攞唔到獎都好威水。（張家輝話睇好你？）唔好講睇唔睇好，我覺得有兩個Tony Leung（梁朝偉、梁家輝英文名），兩個家輝，已經贏晒！喺提名名冊嘅歷史上，已經贏到盡。」

「雙輝」同場互笠高帽。

陳智燊力撐緋聞女友朱千雪係好女仔。

推job嗌抑鬱

另外，梁家輝透露自己肋骨的傷勢已差不多痊愈，但卻打趣說：「人到中年，整親條骨會影響心情，預計今年做嘅嘢要推到下年一齊做，可能會搞到抑鬱。」他表示已復工，若要拍動作戲亦會盡力，但同時要學懂保護自己。

而擔任司儀的陳智燊被問到其緋聞女友馬賽被拍得與女性製作人密遊兼咀嘴一事，他坦言不便回應其私生活，但會問候對方。而提到有指他一腳踏兩船，與女藝人宋熙年及朱千雪傳緋聞？他立即澄清：「好無奈，我同朱千雪係好朋友。（報道指佢係姣星？）唔係，佢係好女仔。」

文：名人組