樂基兒跳過複雜人生
曾經黎明（Leon）跟樂基兒（Gaile）但願不只是朋友，現在二人再見不是朋友。緣來緣去，已屆33歲的Gaile跟Leon離婚後重過新生活，重新認識自己，一切像是又返回原點。Gaile坦言但凡相戀過的都難再成為朋友，甚至變成仇人；是要慶幸二人「不是敵人」，還是慨嘆「不是朋友」，實在視乎自己的心態！這就是Gaile最可愛的地方。
樂基兒（Gaile）十多歲從美國來港做model，一晃眼已是十多年，入行時的baby fat/face，如今依然掛在臉上，看上去跟從前沒甚分別；但這十數年間經歷過幾段感情，最轟動當然是與天王黎明結婚又離婚。離婚後的她撤離了香港基地，香港只成了她工作的地方，美國老家依舊，峇里就成了她另一個落腳地，近期更在當地開展自己的珠寶設計生意。她說：「我依家一年會有三、四個月喺峇里，因為我鍾意游水，峇里係我覺得好relax嘅地方，美國就係我嘅家，香港大部分時間都係因為工作先返嚟。」
在外國長大的Gaile，思想行為簡單，前夫黎明一句跟她「不是敵人，也不是朋友」，她淡然地說：「其實佢都講得啱o架，因為朋友係會見面，會約出嚟食飯傾偈，所以我哋真係唔算係朋友，而且我覺得曾經拍過拖嘅都好少會做得番朋友，你唔會約ex（前男友/前夫）出嚟敍舊，但我覺得其實應該focus on（集中於）唔係敵人，咁就得啦！」也不無道理。
只有夢想冇計劃
那她會再婚嗎？她笑笑說：「我依家唔會plan（計劃），因為長大後發覺好多嘢根本唔會喺你計劃之內，好似我細個完全冇諗過自己會做model，我細個跳芭蕾舞，又好鍾意小動物，我以為自己大個會教跳舞，或者做獸醫，結果竟然係做咗model。雖然我唔會計劃，但人一定要有夢想。（咁你依家嘅夢想係乜嘢？）依家嘅夢想係我嘅珠寶生意，其實我以前都冇諗過會做珠寶，都算係緣分，以前太忙，依家有多啲時間一個人靜靜哋諗嘢，（因為結束咗一段關係所以多咗時間諗嘢？）唔關有冇拍拖事，我以前唔知自己鍾意乜嘢，好似煮嘢食咁，後來有一段時間我要喺日本住六個月，嗰時冇朋友逼住自己一個，平時多數自己煮嘢食，悶就畫畫，係生活令你搵到自己鍾意乜嘢！」
最滿意目前生活
經歷過一段失敗的婚姻，現在對愛情的想法有不同嗎？Gaile說現在想法更加簡單，而且比從前多了耐性。那她是否一個堅強的人？她想了想說：「每個人都有堅強同脆弱嘅時候，我嘅缺點係重感情，但我嘅優點係好獨立！」Gaile說跟她不稔熟的人會覺得她是個cool（冷漠）and sexy（性感）的人，熟落了就知道她是一個simple（簡單）and boring（沉悶）的人，因此她不喜歡太複雜的人和事，以及複雜的生活，相信現在是她感到最relax的生活了吧？她說：「最relax係做model嘅生活，因為所有嘢人哋已經安排晒畀你，依家所有嘢都要自己做埋，但個過程係自己enjoy嘅，所以依家嘅生活唔係最relax，但係最滿意！」
Gaile說做珠寶首個目的不是要賺多少錢，正如一個畫家不會規限自己一年要畫三百幅畫來賺錢，只是希望自己的作品有人欣賞，她補充說：「基於呢個理念，所以我嘅首飾都唔係鑽石好貴嗰啲，因為成本高支出就會大，到時候就真係只係一門生意。」
受影響愛上設計
Gaile自言是個很懂理財的人，那她豈不是個小富婆？她調皮地說：「唔係，只係我好識投資，例如我有一打雞蛋，我會將六隻分配喺model上面，其他四隻就喺我嘅餐廳同珠寶生意，仲有兩隻未諗到，係以備不時之需。」她說踏上設計師之路，緣於在峇里的朋友都是設計師，有些設計眼鏡、有些設計手袋，久而久之，潛移默化，她也愛上設計的工作：「有朋友設計嘅太陽眼鏡連Lady GaGa都有一副，呢份滿足感大過賺錢。」人生每個不同的階段就會感受不同的事物，經歷過刻骨銘心的感情，此刻的GaileP:以心放眼看世界！
後記：有說左撇子比較聰明，樂基兒是個左撇子，問她覺得自己是個聰明的人嗎？她笑說：「So far（目前為此）未有人話過我蠢！」聰明跟有智慧是不同的，Gaile是否聰明未能確定？但她絕對是個智者，因為她甚麼都看得開、看得淡，事無不可對人言，這種境界，有些人窮一生都未必做得到！
潮戴潮錶
入行多年的Gaile佩戴過不少品牌的腕錶，對於是次為本報示範的Swatch就稱讚說：「好有fashion watch嘅感覺，只要襯番合適嘅衫，不論日同夜都可以佩戴。」品牌全新推出的腕錶集合時尚與經典於一身，充滿城市街頭文化，也有優雅華麗款式，緊貼潮流，易於配襯！
採訪：Ada Lam
攝影：沈建程
服裝：Etro