周麗淇骨子裏性感
圈中的性感女神多的是，並不列入性感女神之列的楊千嬅和周麗淇，同樣選擇以鎖骨突圍，千嬅笑言自己全身得一條鎖骨最性感，周麗淇則全身骨感顯美態。
謝婷婷性格吸引
「安祖蓮娜祖莉（Angelina Jolie）好性感，佢嘅性感來自性格，佢唔單止係一個明星，仲以自己嘅影響力行善！而我都覺得自己嘅性格最性感，自己比較中性，唔會忸怩，有自信就性感！」
黃翠如長髮最正
「我覺得舒淇好性感，佢只要撥頭髮，郁個嘴就已經好性感！我覺得自己把頭髮最性感，因為長髮比較女人味啲，我全身除咗把長髮外，冇一度有女人味！」
名模馬詩慧泳裝誘人
「美國歌手Rihanna最性感，係一種感覺，解釋唔到。而我自己唔着衫時就最性感，哈哈！講笑啫，應該係着泳衣時最性感。」
名模Mandy Lieu鎖骨被讚
「好多身邊男仔都話我性感喺鎖骨度，要揀最性感嘅男星，我會揀里安納遜（Liam Neeson），佢好有味道，女仔就會揀安祖蓮娜祖莉（Angelina Jolie）。」
楊千嬅着重感覺
「美國女星妮妲莉寶文（Natalie Portman）好性感，佢嘅眼神同表情感覺好sexy！我覺得自己條鎖骨就最性感，全身只得一條骨喺影相嗰時幾靚！」
周麗淇毋須造作
「覺得自己最性感嘅部位係鎖骨，一向夠骨感，最性感嘅女星，我會揀舒淇和莫文蔚，佢哋性感得嚟唔刻意，骨子裏好有味道。」