軒仔李代沫騷Quali 唱爆紅館

內地hit爆歌唱比賽節目《中國好聲音》兩屆參加者李代沫、李琦、畢夏、大山、鄭虹、張恆遠等實力派歌手，前晚雲集紅館舉行《中國好聲音演唱會．香港站》，和香港代表張敬軒、泳兒、許廷鏗、林欣彤（Mag）等齊齊以歌會友。當晚全場爆滿，更吸引巫啟賢、英皇高層吳雨、樂易玲、鄭希怡及未婚夫Andy等到場欣賞。

林欣彤養眼

而一班內地高手落力獻唱，又入鄉隨俗以廣東話向觀眾打招呼，更向高難度挑戰選唱廣東歌，其中組合毅光年獻唱《真的漢子》及《男兒當自強》、王乃恩唱《浮誇》及李維真唱《真的愛你》，博得陣陣掌聲。而香港代表亦和他們作crossover演出，當張敬軒、泳兒、李代沫及大山合唱時，掀起全晚高潮，連軒仔都忍不住豎起拇指「畀like」。另外，鮮有性感上陣的Mag亦以黑寡婦加透視裝現身與萱萱合唱，認真養眼！

劉威煌（右）與畢夏愈唱愈賣力。

馮允謙（左）與塔斯肯初次合作好合拍。

李代沫接受訪問時直言在紅館演出好榮幸，又盛讚軒仔和泳兒：「他們是很好的歌手，我學到好多。」對於他出場時掌聲最響，他則謙虛說：「我戴了耳機聽不到，謝謝大家的支持。」而軒仔笑言和好歌之人合唱有壓力，但幸好Mag和馮允謙等巨聲幫爭氣，問到演出時會否使出全力？軒仔說：「我覺得要睇歌嘅需要，忠於自己演出。」他又指內地《好聲音》和韓風熱潮強勁，自己有意向韓國參考，更自爆11歲時撞傷個鼻曾想過去韓國整容：「但唔得，因為做完會變聲。」

林欣彤透視裝上陣大晒性感。

泳兒（左）與鄭虹拖住手獻唱，各有實力。

「照住細佬」

另外，軒仔前晚出席時裝活動時，問到早前他和緋聞男友關智斌（Kenny）被拍得一齊食飯，他說：「嗰晚係同胡定欣、胡蓓蔚食飯，食咗成萬蚊，係Kenny埋單，佢好巴閉呀，喺內地部部劇都係男主角，（搵Kenny搭路去內地拍劇？）等我收買吓佢先，叫佢照住細佬。」

文：音樂組