楊采妮跟邱韶智昨於新加坡共諧連理，堪輿學家麥玲玲昨晚接受電話訪問時，表示楊采妮明年有喜機會高，她說：「佢今年年尾至出年都容易有喜，而且佢有仔女運，有BB可以旺到自己，增強運勢。」麥玲玲又謂楊采妮現時的感情運已穩定下來，應該會跟丈夫甜甜蜜蜜，白頭到老：「佢36歲之前感情較多波折，但36歲之後就會漸漸穩定，感情順利，呢個應該係一齊到老嗰個喇。」
此外，麥玲玲建議楊采妮婚後可以嘗試一些新工作：「佢身邊嘅貴人唔錯，可以試多啲新嘢，不過唔建議做生意。」
