梁嘉琪回春孖李佳芯返學

無綫藝員梁嘉琪、李佳芯（Ali）、麥美恩及黃心穎在資訊節目《學是學非》中鬥放笑彈，經常以角色扮演及趣劇形式教授冷知識，令觀眾捧腹大笑！問到最難忘的造型，嘉琪首推她反串黐鬚，重現張國榮的西毒歐陽鋒一角：「我拍劇扮過男人，都冇呢次咁man，眼神充滿滄桑，行過冇人認得係我！」同集的美恩扮演東邪、Ali則首度化身古代俠女耍劍，原來難度不小：「現場有爽身粉營造飄雪效果，仲要對住吹風機唔眨眼，好難o架！」另一集嘉琪及Ali回春扮學生妹，兩人笑言給予觀眾初戀感覺，但又自嘲似援交少女。