蕭正楠捱足六年發火
無綫熱播劇《巨輪》播出後反應愈來愈好，帶挈男主角蕭正楠（Edwin）愈來愈多工作，最近更成為澳門著名手信餅家的代言人。當年Edwin出道時一鳴驚人，惟後勁無力，在事業最失意的時候毅然北上工作，2008年返港加入TVB，由歌手轉型做藝人，從低做起，直至今年遇上《巨輪》的角色，將多年「心中的一團火」爆發出來。
有歌手要轉型做藝人，或許心有不甘。已加入TVB六年的Edwin卻鍾情於拍劇，他謂：「其實我唔覺得呢幾年係捱，以前做歌手嘅時候，就真係捱喇，每一日都唔知聽日事，做事冇方向冇信心，每個月都擔心下個月有冇工作，嗰陣時喺心態上最難受！」
自我增值等機會
出道之後的幾年，所有在剛出道時獲得的獎項、認同突然消失，Edwin為了生活於是北上發展，他坦言並非自己最想要的工作，北上也非大家想像中「咁好搵」，三年後為了媽媽決定回港發展，幸而遇上「伯樂」何麗全而加入TVB。他憶起剛加入時，拍劇機會不多，他努力增值自己，學跳舞、學做主持，只要有機會拍劇就出盡全力，直至遇上《巨輪》這個角色，更是將多年來「心中的一團火」一次過爆發出來。
一劇爆紅的他頻頻登台，身價比以前上升一倍，他說：「的確劇集出咗街之後，多咗人搵我登台，其實多謝一班一直都有搵我登台嘅客人。」他笑言現在的身價漸漸貼近雜誌所寫的價錢，更謂已計劃買樓，好讓家人有個安樂窩：「喺我最失意嘅時候，我喺度諗到底點先似番個人？我只可以孝順我媽媽，先有番少少成功感，如果連呢樣都做唔到，咁真係好廢柴。」
曾被指「佗衰家」
在電視台做足六年，Edwin終於做出一點成績，今年成為澳門著名手信餅家的代言人，酬勞高達七位數字，他說：「最開心嘅唔係呢七位數字，係佢哋對我嘅認同，10年前我都做過一間餅店嘅代言人，結果畀人起咗個『朵』，甚至有人話係因為搵咗個『二打六』返嚟做代言，結果搞到餅店執埋笠。拍完呢個廣告之後，就冇人搵我拍廣告啦。」至於今次同樣接得餅家廣告，他笑謂：「證明人喺邊度跌倒，就要喺邊度企番起身！」
文：影視組