賈曉晨攞苦嚟辛編上癮

藝人賈曉晨（JJ）最近一嘗做編劇和導演的滋味，分別自編自演微電影《橫漂》及執導自己編寫的另一微電影《愛情是甚魔》，JJ說：「自己平時鍾意寫嘢，但係寫劇本就好唔同要好仔細，用咗個幾月去寫呢兩個劇本，所有嘢靠自己去諗，所以辛苦到瞓唔到，寫嗰陣諗千祈唔好有下次，但拍完見到製成品又好想快啲有下次，心情好矛盾。做導演就可以用筋疲力盡去形容，自編自演就最輕鬆，做編劇同導演真係死咗好多腦細胞。」

搵男友合唱

十一月JJ將推出以微電影故事為主題的EP，還找來男友樊少皇合唱，JJ說：「佢唱歌好好聽，我哋平時好少一齊唱歌，所以合唱感覺都有啲怪怪哋。」JJ指男友還寫了首以他倆故事為題材的歌，sweet到爆。JJ又透露每日也為工作忙碌，快要忘記小時候希望環遊世界的夢想，可幸自上年開始已和男友去了十個國家旅遊，總算實現了共同的夢想。

JJ與男友樊少皇在新碟中合唱，煙韌到暈。

JJ滿意現狀，暫時無意與男友拉埋天窗。

寫紙仔傳情

原來除了JJ寫作外，男友樊少皇也同樣愛執筆，兩人果然合拍，JJ還自爆兩人喜歡寫紙仔傳情，她說：「我哋會寫啲肉麻嘢，不過，只係我哋兩個先明。」講到結婚，JJ則說：「冇乜點諗過，依家幾好吖。」

場地：Organic Life Cafe & Restaurant

化妝、髮型：Joey Chim@Jsbeauty

採訪：影視組

攝影：沈健程