汪詩詩：佢有同醫生溝通
甄子丹太太汪詩詩前晚出席著名翡翠品牌昭儀翠屋開幕活動，戴上千萬元珠寶，她透露老公在北京拍戲：「佢好忙，剛做完首映，依家拍《冰峰俠》part two。」被問到有報道指老公與前妻所生的兒子甄文焯（Jeff）日前爆肺入院，子丹沒到醫院探望，令前妻在醫院咆哮，詩詩直斥報道不實：「其實子丹同Jeff關係好好，一向都有聯絡，有take care佢，唔知點解會有咁嘅報道，唔係事實，Jeff係入院，但當時子丹喺北京拍戲，唔可以返香港。」
詩詩謂每個父母都會擔心小朋友，而子丹亦第一時間與醫院聯絡，她說：「佢有同醫生溝通，醫生叫佢唔使擔心。」至於會否向Jeff媽媽了解事件？她說：「其實呢個報道係作出嚟，我唔係好清楚邊個講，只係講有目擊者，但成件事唔合理，報道搵小朋友出嚟好唔啱，影響到佢嘅生活。」詩詩又謂一直有與Jeff短訊聯絡，透露他身體康復得好好。