鄭嘉穎賺夠人仔要減產

鄭嘉穎、曾志偉及鄧萃雯等,昨晚出席《屈臣氏健康美麗大賞2013》活動,對有指無綫收緊藝人搵外快政策,鄭嘉穎表示明年會回巢拍劇,相信無綫唔會封死藝人外出拍劇,說到豈不是賺少了,他謂:「要平衡,唔可以乜都以錢睇,無綫藝人都要履行責任,自己同無綫仲有好長嘅約,今年於內地都拍了七套劇,應該要減產。」對於有指陳豪、楊怡跟經理人離巢,他指可能只是換合作形式。他又透露現正忙於籌備新碟:「拖咗英皇好耐,再唔出合約都完。」

至於被指與爾冬陞不和的曾志偉,坦言二人是好兄弟,問會否覺得爾冬陞偏袒王維基,他表示不作置評。另外,對前妻受雜誌訪問時指做他的女人很辛苦,他聞言謂:「證明我勁囉!其實都講得幾好,係個標題啫!」志偉又指前妻有經女兒向他道歉。