黃淑儀無懼接May姐棒

藝員姚嘉妮、鄭丹瑞（阿旦）、黃淑儀等在將軍澳電視城為節目《萬里尋爸》錄影，姚嘉妮錄影開場對白時多次NG，結果被阿旦取笑。黃淑儀的節目《吾淑吾食》將接馮美基被插爆的節目《May姐有請》，問黃淑儀可擔心被鬧而不敢在節目中隨便笑？她說：「點解唔敢，笑都唔畀？冇做錯怕咩畀人鬧，仲有王法嘅？唔好咁偏激啦！」黃淑儀指做節目讚彈皆代表有回響，只希望他人不要作人身攻擊。