余曉彤「作反」 騎師姐上位

周秀娜與師妹余曉彤（Hidy）和盧頌之（DaDa）主演的新片《爆3俏嬌娃》即將上映，日前娜姐不在港，Hidy和DaDa親自搬吹氣不倒翁到戲院孭飛宣傳，兩女更公然「作反」，當眾喪「踩」娜姐，Hidy更騎在師姐身上猛打，認真大膽！雖然事後她笑言無懼被罵，揚言不怕激嬲娜姐，但她其後急急拉DaDa「補鑊」，齊齊狂咀娜姐「全身」，擺明想呵番師姐。
盧頌之（左）及余曉彤為谷戲騎在師姐「身上」又錫又打！
盧頌之（左）及余曉彤為谷戲騎在師姐「身上」又錫又打！

問兩女有何谷戲絕招？DaDa笑言要用「爆衫」趣事谷人氣：「之前同Hidy同住酒店房，朝早起身突然喺佢面前爆開咗件衫，入面仲要真空！」此外，《爆》片主題遊戲app日前登場，率先試玩的娜姐大談事後感：「香港人壓力大，呢個app可以畀大家發洩！」

兩女把不倒翁搬到街上，成功吸引途人目光。
  • 兩女把不倒翁搬到街上，成功吸引途人目光。