關楚耀認鹹濕 齋冧娜姐

緋聞男女周秀娜和關楚耀（Kelvin）、卓韻芝、八両金、羅家英、林雪等前晚為遊戲節目《超級無敵獎門人終極篇》錄影，娜姐事前不避嫌大讚Kelvin身形fit，更稱玩遊戲時會扯爆他的上衣讓大家一飽眼福，不過娜姐否認平時「扯慣」Kelvin：「我唔興咁樣，要環保啲。」單身的她表示尚未找到真命天子：「因為工作關係成日轉，就算有好感，大家都好難了解，係呢排宣傳電影先見多咗Kelvin。（爭取時間了解？）我會o架喇。」Kelvin就搞笑自認鹹濕：「我認我個樣生得衰，搞到個個以為我有女友。」強調沒女友的他亦不排除跟娜姐有發展空間：「I don't know，最緊要大家有默契，最近睇報道佢話要守齋，我陪佢一齊食齋囉。」

家英哥玩嘢舉中指

其後眾人玩遊戲時完全不顧儀態，先有八両金食辣辣壽司時邊食邊噴奶，最後更索性跪下嘔吐，嚇得其他嘉賓作鳥獸散；之後林雪和李麗霞（黑妹）亦分別邊食邊對着關楚耀噴飯、噴奶，最後弄至一地都是嘔吐物，實在重口味兼有欠衞生！關楚耀亦無奈說：「點解全部都噴我嘅？」

林雪躺下露出大大個肥腩，一眾獎老搶住上前摸肚。

家英哥不慎出「中指」，卓韻芝（左）等衝前遮住，場面搞笑。

咳嗽中的家英哥亦不能避免被罰食辣辣壽司，最搞笑是他邊食邊舉「中指」：「阿姐叫我唔好食壽司，佢話如果食咗有咩事就搵志偉負責。」

演協新會長二揀一

家英哥之後受訪時談到演藝人協會最近有3人辭職，身為會員的他表示：「我冇開會，有幾個元老退出咗都唔知咩問題，要調查吓。（知選邊個做會長？）據聞人選有兩個，係爾冬陞同埋吳思遠，但呢啲都係小道消息。」

文：影視組