池珍熙地獄脫脂 餓暈送院
韓星池珍熙外形硬朗樸實，原來亦是貪靚一族，早前他來港拍戲，與爆肌張家輝以及同鄉型男崔始源合作，為免拍埋兩個身形弗爆的型男身邊，令自己頓變「肥佬熙」，池珍熙在港期間積極減肥，據知由於他進行地獄式節食減肥，結果在拍攝時曾一度休克暈倒，要工作人員召白車送他入院，幸他最終沒大礙，有驚無險。
韓星池珍熙前晚來港出席中環舉行的歐米茄「A Tale of Perfection」展覽開幕，風度翩翩的他，迷倒不少女士，但其實池珍熙俊朗背後，早前曾經歷了一次「減肥血淚史」！
醫生診斷血糖低
據知，早前池珍熙來港拍攝電影，同片還有張家輝及另一韓星崔始源等，雖然香港美食如雲，池珍熙在港時亦有出席不少大型飯局，但有些曾跟他一起吃飯的人指他很多時都齋睇唔食，有次他跟崔始源、余文樂及張家輝等食飯，亦只是淺嘗幾口。知情者說：「嗰次飯局池珍熙只問張家輝點樣練成爆肌身形，又問一啲身形弗嘅工作人員點保持，好明顯想上鏡好睇啲，唔想同家輝、崔始源差太遠。」
由於池珍熙在港拍戲時要應付不少動作場面，再加上節食的關係，結果他曾經一度休克暈倒，要工作人員召白車送他入院，醫生診斷他血糖低，幸最終無大礙。而池珍熙一待體力恢復，已立即投入工作，認真專業。
「佢喺我面前暈低」
記者昨日就池珍熙早前在港拍戲曾暈倒一事，致電同片的張家輝，家輝搞笑說：「我點會唔知，佢喺我面前暈低，（你知唔知佢為減肥餓到暈？）人哋嘅嘢我唔多講啦，只係當時我見到佢暈低，都嚇一嚇，即刻上前扶佢。」
雖然電影經已完成，池珍熙仍沒鬆懈，繼續keep fit，保持fit爆身段，前晚更以醒目打扮現身活動，同場還有Mandy Lieu，池珍熙在訪問中得知Mandy很喜歡他，已婚的他搞鬼地雙手做出目不斜視的動作，還幽默說：「完全睇唔到佢，佢太靚，我唔敢望。（驚太太呷醋？）唔會唔驚！」
談到前晚是腕錶活動，池珍熙表示自己有不少腕錶珍藏，最貴一隻是送給愛妻，他謂：「結婚當日、紀念日同生日都送手錶畀佢！」他解釋手錶機芯組件代表完整家庭，而家中的珍藏也會留給兩個兒子。池珍熙透露今次來港曾與張學友、楊紫瓊及導演劉偉強食飯，但沒洽談合作，他說希望跟劉偉強合作，並想拍類似《無間道》題材的電影。
池珍熙Profile
出生日期：1971年6月24日（42歲）
身高：1米78
妻子：李秀妍（2004年結婚）
代表作：2003年與李英愛合拍的電視劇《大長今》爆紅，憑閔政浩一角在亞洲人氣急升，成為師奶殺手。其他代表作品包括陳可辛執導的電影《如果．愛》及韓劇《同伊》。
近況：演出韓劇《戀愛操作團：大鼻子情聖》。
文、採：影視組、名人組