周永恒拒返無綫 寸爆樂易玲
周永恒（Roy）、陳家樂、陳嘉寶等前晚出席「香港亞洲電影節」放映會，對於無綫音樂總監鄧智偉請辭，曾與對方有牙齒印的周永恒直言事不關己。談到無綫有「愛回家」熱線，周永恒表示若然娛樂台派員採訪他，他會立即致電，惟最終娛樂台記者也沒有訪問他。
願意公開道歉
問到周永恒會否重返無綫？他謂：「無綫易咗主咩？唔係樂小姐（樂易玲）唔喺度嘛？余詠珊要贏到佢呀，加油！（同樂小姐關係OK？）佢一定唔OK我，仲好刻意『關注』我，篤我就未至於。（有樂小姐嘅一日都唔返去？）希望佢原諒我，佢小器，我唔知自己有咩錯，啄住我幾年，如果佢肯我公開同佢講對唔住，唔好追殺我啦。」談到樂小姐指沒有內部黑名單，周永恒坦言歡迎對方來電，自己亦希望有重返無綫的一天。
陳家樂無尷尬
而英皇藝人陳家樂則透露與香港電視簽約兩年，合約至明年四月屆滿，現時只剩下十多個騷，於發牌事件前更獲對方力邀參與飲食節目，他謂：「都未答應就發生事，有唔開心，（英皇同無綫關係密切，怕自己身份尷尬？）唔會，我都好多朋友喺無綫，我支持良性競爭。」
文：影視組