古巨基向李泉拋媚眼
古巨基日前與內地歌手李泉攜手在內地公益節目《夢想星搭檔》合唱《熱情的沙漠》，兩人精彩演出大獲激讚，更以「泉」、「基」發音形容他們是「拳擊組合」，基仔笑說：「我哋第一次認識，真係一拍即合，佢哋仲取笑我哋拋媚眼，（點解拋媚眼？）唱得好high都唔知自己同佢拋咗媚眼。」
演出前基仔跟李泉還通宵重新將編曲改動、重整，他笑說：「音樂總監都話我哋令到佢好頭痛，因為我哋一改再改，搞到佢抓狂。」基仔自爆曾再三婉拒參與這個比賽性質節目，因為他從未參加過比賽，但最終被節目監製所打動，覺得節目好有意義，贏得冠軍可獲獎金行善。有觀眾踢爆「拳擊組合」最終勝出，基仔口密說：「同電視台簽咗保密協議，唔可以透露，大家自己睇啦。」