馬國明呻現實殘酷冇女埋身
自筍盤陳豪「封盤」後，無綫小生馬國明隨即晉升為頭號筍盤，日前就有報道指他在內地拍戲多女埋身，昨日他出席馬場活動否認其事，不過他與低胸上陣的名模Jocelyn合照時就盡顯風度，他見對方裙襬「kick」住，即彎身替對方整理，期間目不斜視，證明被封男神不無道理！
馬國明昨日出席第二屆《東方表行沙田錦標》，同場還有陳法拉及港姐冠軍陳凱琳等。馬國明在時裝匯演中與性感上陣的名模Jocelyn帶領一眾模特兒在沙圈出場。合照時，他見Jocelyn的裙襬「kick」住，即盡顯風度為對方整理。提到筍盤陳豪「封盤」，令他晉升為頭號筍盤兼男神，他笑說：「我前面仲有好多人未結婚喎，TVB專出筍盤！」近日就有報道指他在內地拍攝成龍監製的電影期間，引來戲中多位女演員青睞，其中一位是導演陳勳奇女兒雨書（前名陳開心），他解釋：「好好笑，話我跟成龍大哥搵食，我未有資格，我係跟TVB搵食。」
馬國明又否認多女埋身：「幻想係美麗，現實係殘酷！內地女仔要求高，可能佢哋心目中我未夠資格。（雨書係香港女仔？）佢最慘，張相登最大，我同佢講當宣傳啦。（有冇女仔追你？）咁大個仔都未試過，應該男追女。（幾時追？）睇啱先。」提到為Jocelyn整理裙襬盡顯風度，他就覺得香港男士向來有風度。
陳法拉去向未定
而陳法拉以大露背裝亮相，提到無綫總經理李寶安下令收緊藝人到內地拍劇的政策，她表示未有聽聞，但認為TVB是藝人娘家，首選拍攝TVB劇集很正常。問會否覺得這是救亡行動？她說：「TVB有好多演員，係要有新配搭，喺大陸拍一段時間，又返嚟拍吓都好，保持新鮮。（政策會唔會影響到你簽番無綫？）不嬲唔關事，我喺無綫咁多年基本上冇拍過內地劇，角色先係第一重要。」她謂現時工作去向未定。
文:名人組