子珊攻入監獄俘虜啟華
有見無綫藝人工作時間頗長，無綫行政主席梁乃鵬日前宣布實行工時限制，旗下藝人齊聲叫好，親生女徐子珊昨日亦坦言感興奮，更指若加埋人工會更開心，而子珊於新劇演懲教署職員，與吳啟華有感情線，監製林志華透露會到監獄作實景拍攝，直言過程相當嚴謹。
徐子珊昨日出席Honda電單車活動，穿低胸連身裙晒事業線的她透露，向來鍾情電單車，但卻沒電單車牌，故以往拍攝揸電單車戲份，大多以替身上陣，她更指大學時的男友懂揸電單車，當年雖不時會坐男友車，但她坐車時仍會感驚慌。
希望加人工
對於無綫實行工時限制，正拍新劇《點金勝手》的子珊表示沒留意通告：「呢排拍劇拍到好迷糊，尋日（前日）中午開工，今朝（昨日）收五點，所以冇留意，不過聽到都開心，（想公司改善啲咩？）樣樣都想，加人工最開心。」
談到前港姐關伊彤及朱婉儀大爆於無綫工作時的慘況，子珊謂：「唔係嘛？係咪港姐之後嗰年？頭一年係有月薪，幾多就要視乎攞幾多獎，自己好彩喺未過港姐任期已拍劇，亦有接外面嘅工作。（關伊彤話一年一騷。）我唔了解其他同事工作情況，希望大家繼續努力。」
另外，子珊明年一月又會拍新劇《再戰明天》，她將與吳啟華、王浩信、黃德斌及黃心穎等演懲教署職員，日前眾人便分別到赤柱及羅湖女子監獄拍節目巡禮，監製林志華指該劇以實景作背景，當中有爆破及暴動場面，並說拍攝過程嚴謹：「去監獄拍嘢，帶咩入去就要帶番咩出嚟，試過劇組唔見咗支針，跟住反轉晒係咁搵，同埋唔可以帶手機入去。」
為愛郎擋刀
劇中子珊將與啟華有感情線，更會有咀嘴戲，林志華更謂：「戲中啟華大子珊十幾年，子珊出世時啟華抱過佢，子珊都當佢係uncle，後來慢慢發展成情侶，子珊仲幫啟華擋刀。」
文：影視組