張智霖留港備戰馬拉松

劉心悠與張智霖明年齊齊參加十公里馬拉松賽事。

長跑好手心悠在台上教Chilam要練氣及練肌肉，事後問到會否親自訓練對方？她笑說：「有同佢提過，但佢唔睬我，不過佢咁fit，實跑得快過我。」Chilam笑言考慮一個月後才決定首度參賽，想「趁跑得好跑」，問到太太袁詠儀（靚靚）會否參加？他說：「佢係長跑好手，中學時玩田徑，不過今次我跑先。」他又透露專心備戰，暫不接內地劇。提到靚靚在節目《最佳女主角》中大爆家事，Chilam表示未收看並打趣說：「咁都信？（佢話畀你食住？）見仁見智啦！」

• Chilam與劉心悠合力炮製雜菜沙律。