變形金剛炸政總米高嗌Perfect

來港取景近兩周的荷里活電影《變形金剛4》（Transformer 4:Age of Extinction）繼在深水埗、土瓜環取景，昨日大隊移師中環政府總部對出的空地拍攝大型爆破戲份，工作人員一大清早到場布置及在附近埋下炸藥，期間有直升機於上空盤旋及拍攝。一眾主角妮歌娜佩絲（Nicola Peltz）、麥克華堡（Mark Wahlberg）、Jack Reynor、史丹利杜茨（Stanley Tucci）及導演米高比爾（Michael Bay）則於11時許到場，米高更親自操刀拍攝，及後現場出動吊臂拍攝高位。

濃煙8層樓高

而博派三架名車大黃蜂、藍色Drift、綠色Crosshairs及軍車橫炮（Hound）則先停泊於立法局門外，現場有工作人員把守，引來大批市民圍觀，令該處頓成拍攝景點。期間，工作人員一度阻擋記者鏡頭，米高獲悉便派人上前了解，安頓好記者後便謂：「OK嗎？OK大家就拍手啦！」盡顯親民作風。開機後，妮歌娜、麥克、Jack、史丹利則繼續拿着「能量方塊」的布袋逃亡，來回數次可謂跑到氣咳。

劇組埋下炸藥，一聲「Action」便火花四濺，政總對出的空地即布滿濃煙。	呂良偉、王敏德冇得埋位，離開時阿呂嘴扁扁。	王敏德

至下午3時許，大隊齊集政總對出的添馬公園準備拍爆破場面，由於要一Take過完成，工作人員也嚴陣以待，不容有失。米高多次走位視察場地，劇組方面亦於封了的天橋位準備就緒，現場隨即傳來一聲巨響，除了火花四濺，濃煙亦升至8層樓高位置，問到對爆破場面可感滿意？米高笑謂：「Perfect，OK！」

麥克與另外兩位主角從大黃蜂下車。

大批市民圍觀拍下變形戰車。

影靚車相頂癮

有份客串的呂良偉與王敏德則以警隊制服現身，惟最終也未有落場拍攝，阿呂謂：「Over run都冇計，聽日去北京宣傳電影，惟有再度期，（大隊明日離港？）真係冇咩辦法！個仔失望啲，佢鍾意大黃蜂，頭先都影咗好多車相做紀念。」而王敏德對於白等亦沒有怨言：「我都影咗好多車嘅靚相，頭先見到相熟嘅直升機師都有傾偈。」

文：影視組