黎瑞恩爆老公嚴禁性感

已嫁入豪門的前歌手黎瑞恩前晚單拖出席慈善活動，她表示老公工作忙碌而未能抽空陪伴，同場有趙式慶、黃伊汶等。即將舉行演唱會的黎瑞恩坦言現忙於練歌、練舞及游水練氣，還反問記者：「唔知點解依家要跟歌唱老師練歌？我以往都唔使！（唔慣？）唔會！」她自嘲曾想過跳韓國勁舞，卻因筋骨生硬打消念頭，更大爆老公嚴禁性感：「老公話只可露背，但大露背款都唔得。」問老爺曾憲梓會否支持睇演唱會？她說：「老爺話做慈善100%支持，（已經hold飛？）梗係，佢要坐第一行，啲小朋友都未睇過我表演，驚到時佢哋喪叫！佢哋有上網睇片，反問係咪媽咪。（讚你靚？）我不嬲都咁靚。」