真空諸葛鬥糕招嘉欣
懷孕7個多月的諸葛紫岐，昨晚真空性感出席活動，上圍已升了兩Cup的她透露為BB健康着想，決定餵母乳，身為少奶奶的她更坦言接job出活動純為解悶；同場的鍾嘉欣少有谷胸上陣，卻露出缽仔糕，認真唔小心！
諸葛紫岐（Marie）、鍾嘉欣、貝安琪、琦琦、馬詩慧與女兒王曼喜、林忠豪與女友Susanna Yiu等昨晚出席《法拉利及香港快意汽車合作三十週年》慶典晚宴。腹大便便的Marie穿上黑色低胸吊帶連身裙，上圍明顯比以前豐滿的她更真空上陣，十分搶鏡！問Marie上圍升了幾多Cup？她說：「升咗兩Cup，所以要打底。（係咪會餵母乳？）係，對小朋友健康啲，所以要戒口，食嘢都食得清淡啲，頭3個月就鍾意食鹹嘢，之後回復正常。」
Marie身形依然纖瘦，透露只肥了腹中BB，她說：「我尋日睇醫生，醫生話我冇乜重，BB就重咗磅幾，係大B，仲有2個月就生，BB吸收晒啲營養。」據知Marie為薛家一索得男，但她依然未願親口證實，只表示大家很快就會知。另外，被問到出席活動的酬勞是否大幅提升？Marie笑言：「OK，唔係睇錢，其實老公唔畀做嘢，但喺屋企好悶，出嚟行吓。」
與貝安琪冇芥蒂
另外，陳展鵬兩個緋聞女友鍾嘉欣與貝安琪同場，還拖手合照。鍾嘉欣穿上tube dress谷胸上陣，還不慎露出缽仔糕。問到早前坐陳展鵬車時發生意外，而陳展鵬更直言對她有感覺，嘉欣透露不感到對方追求，笑言應該是為新劇宣傳；她又坦言十分幸運，因合作的男演員收工後也會很有風度地送她回家。
文：名人組