吳嘉龍踩入CIA 做二五感光榮
藝人吳耀漢兒子吳嘉龍，最近進軍海外演出美劇《Covert Affairs》（俏特務），嘉龍在劇中飾演一名CIA（中央情報局）「無間道」，與飾演CSI鑑證調查員的Hill Harper，以及電視女演員Piper Perabo大鬥演技。
恨觀光購物
由於新劇昨日在香港取景，不過，忙拍劇的嘉龍未能為首次來港的Hill Harper做導遊，惟Hill Harper未被嘉龍掃興，他更大讚香港好正，是個很精彩的城市，而Hill亦知道荷里活大片《變形金剛4》於香港取景，得聞男主角麥克華堡可以四處購物而大為羨慕，因Hill只留港一星期，未必有時間觀光購物。
父子少見面
近期經常為新劇到加拿大及新加坡兩邊飛的吳嘉龍，他透露今次演出是一部大劇：「《Covert Affairs》嘅監製係早年為電影《叛諜反擊》當導演嘅Doug Liman，我可以演出其中一分子都感到光榮。」另問到兩父子感情如何，他坦言與父親吳耀漢見面很少，一年只能見十幾次。他稱：「阿爸成日話我廣東話唔好，其實佢講得仲差過我，好多懶音，（爭取見面機會？）都會，因為阿爸最近有份演麥浚龍套新戲，遲啲佢會返香港宣傳，到時我哋父子應該可以見下面。」
