莊思敏中路峰殺許亦妮

「中門大開」的莊思敏笑言曾有男仔借醉向她表白。

前晚港姐許亦妮（Whitney）出席香檳活動，同場還有「翻版關之琳」Jocelyn和夫婿、黃佩霞及莊思敏等。其中Whitney以一身tube dress到場，拋出豐滿身段，加上近日有新歡陪伴在側，表現特別風騷，可惜冷不防承認人工僭建的莊思敏一襲Deep V打扮，更露出東西半球，Whitney輸蝕，惟有以緋聞搶鏡！

向新歡學嘢

對於日前被發現與34歲新歡才俊盧啟邦Andrew到外地旅行？她甜笑說：「你哋唔好咁啦，搞到我唔敢拍拖，我哋係一大班人去o架！」話雖如此，但她對新歡就忍不住讚不絕口：「我哋大家係好好傾嘅朋友，佢比我年長同社會經驗都多過我，可以教到我好多嘢，佢幾好o架！我唔想玩玩吓拍散拖，所以想認真了解，希望大家畀啲空間我哋！」

Jocelyn當眾咀老公晒恩愛。

許亦妮承認與盧啟邦啱傾，更希望認真了解對方。

• 黃佩霞（左起）、許亦妮、Jocelyn都悉心打扮，明艷照人。

酒量不如前

而超級性感的莊思敏被記者取笑她十分「搏」？她笑說：「都係配合番場合，因為呢個係香檳活動，好似去party咁，所以咪性感少少！」問她酒量如何？她笑指現在年紀大，酒量大不如前，她又認為喝酒後說話較真心，亦試過有男孩喝醉後跟她表白。問到是否認為伴侶也要有好酒量？她續說：「我覺得酒量唔緊要，酒品重要啲，我好怕啲人飲醉酒搞事！」