呂慧儀倒奶搶朱璇鏡
「長腳蟹」呂慧儀、朱璇昨日齊齊出席商場活動，雖然現場都是一家大細品蟹，但呂慧儀卻一副戰鬥格造型亮相，倒奶下廚，令誤中副車的朱璇慘被比下去！
事後呂慧儀笑說是怕被大閘蟹搶鏡才如此「瞓身」，其實最近努力局部瘦身，加上一件好內衣才成功將視覺效果變得更好：「依家條腰幼咗，Cup數就反而升咗Cup2，（老公咪好開心？）腰瘦咗可能佢開心啲，不過佢依家覺得我好煩，似貼身膏藥，仲叫我搵多啲嘢做，超衰。」而朱璇就死撐是當護「蟹」使者，不過亦直認事前兩人未有夾過服飾，直指她被過一戙，朱璇尷尬苦笑道：「又唔係，最緊要啱自己，我知秋天同萬聖節嚟緊，應節啫！」