鄭中基爛尾戲翻生 等追捧A貨
「宇宙最強」甄子丹、鄭中基、鮑起靜等前晚出席電影《特殊身份》首映，其中鄭中基有份拍攝劉鎮偉執導的電影《大話天仙》因資金問題停拍，餘下戲份由替身完成，他得知後高呼神奇。問到早前被網上抹黑的甄子丹，會否擔心票房受影響，他指觀眾聰明，無懼水軍打壓！
甄子丹前晚與太太汪詩詩出席電影《特殊身份》首映，而鄭中基、鮑起靜、汪圓圓等亦攜眷恩愛出席。問到鄭中基有份拍攝劉鎮偉執導的電影《大話天仙》因資金問題停拍，演員餘下的戲份由替身完成，他表示有聽聞事件：「以為係講笑，後尾先知係堅嘅，仲話會12月上畫，都幾神奇。（到時會宣傳？）睇導演頭，話晒有份做。（收足錢？）拍幾多收幾多。（如拍出嚟係爛片怕受影響？）都唔會嘅，好期待睇番個A貨似唔似。」
抨擊網絡暴力
另甄子丹談到日前在廣州出席首映禮表示不再與趙文卓合作，更覺對方欠受傷害的人一個道歉，他指此事是陳年舊事。而早前傳子丹遭到水軍（網絡打手）肆意攻擊，問他會否擔心電影上畫時會再有同類事件發生？他表示觀眾很聰明：「你都講明係水軍啦，我踏實拍好電影係最好！」
甄子丹又表示不應該搞中港矛盾：「每個人都有認為自己啱嘅地方，都有好多解決方法，不過唔好選擇用網絡暴力，因為呢個係精神上嘅攻擊，我覺得政府應該針對呢啲事，以我所知中國政府都有做緊呢方面嘅嘢，希望呢啲情況唔好再發生，我拍咗31年戲，都未見過咁樣，對電影圈嚟講好肉酸。（如趙文卓道歉，會接受？）我唔要求佢道歉，佢應該對太多無辜受牽連嘅人道歉。」
HKTV副導請辭
另曾為香港電視拍劇的鮑起靜對HKTV未獲發牌大感失望，她表示雖然未能出席今天的遊行活動，但會穿黑衫隔空支持，談到裁員她表示：「有個HKTV副導打畀我話佢哋唔等公司炒，全部都自動辭職，都係為咗減輕公司負擔，好難得好可愛。」而《特》片已於首日開畫華語片票房稱冠。
文：影視組