名媛鄭詩韻昨日出席活動時明顯比前瘦了，她表示因近期忙於為工作周圍飛：「我一上機就瞓，冇食嘢。（咁咪冇時間湊兩個囝囝？）都係o架，有次我返到屋企，囝囝見到我竟然喊，我問佢咩事，佢喊住話好掛住媽咪，今個星期好啲，要好好補償。」
她透露大仔現在3歲半，細仔就2歲半，她也有留意早前家長辛苦為子女找學校的新聞，也很擔心：「過兩年就到我為囝囝搵小學喇。（提早訓練定佢？）自己開始留意多咗，要知多啲，但就唔會提早訓練佢，依家要畀佢哋做正常小朋友做嘅嘢。」
