吳千語重心意 唔使林峯送鑽

吳千語謂林峯曾送贈具心思的禮物，但就不肯透露是甚麼。

吳千語前晚赴澳門為「日內瓦鐘錶大賞」世界巡迴展覽–澳門銀河開幕典禮擔任嘉賓，穿上初秋鮮紅色晚裝長裙的千語，佩戴由大會安排價值過百萬元的Forevermark鑽飾，令只有廿歲的她，變身高貴淑女，但她揚言太名貴首飾不適合她，又稱未曾收過林峯送贈的名貴首飾：「自己冇收過咁貴嘅首飾，都唔適合我，咁細件（首飾）我會唔見，鍾意實用啲嘅嘢。（送樓送車咪唔會唔見？）唔係，我鍾意有心思嘅，好似畫吓畫咁。」她透露曾遺失過萬元的首飾，甚為大頭蝦。問到林峯送過甚麼禮物給她？她只肯透露收過男友送贈花心思的禮物，但以太私人為由，不肯透露是甚麼。

搵相熟女技師按摩

千語說希望拍拖可以低調一點，故從不愛與男友穿情侶裝上街，認為情侶間搭膊頭屬正常事，對於早前有傳她因為請男技師按摩，結果令林峯痛哭一事，問到現在是否驚了按摩？她笑說：「會出去搵相熟女技師按，記得寫清楚，其實唔抗拒男技師，好正常，大陸好多出名嘅都係男技師。（學兩招幫男友按？）唔會啦，會出外面按。（林峯喺出面學按摩然後幫你按？）佢都唔夠專業，唔好喇，出去按啦。（發哥都學完幫老婆按啦！）都好，諗吓都好。（為你學按摩係心思！）聽落都幾sweet。」問到林峯曾經為她做過甚麼？她斬釘截鐵地說：「冇。」記者建議可叫林峯為她戒掉遲到的習慣時，千語繼續笑稱兩個人相處最重要是互相支持，大晒恩愛。

林峯	吳千語與日內瓦鐘錶大賞主席Mr.Carlo Lamprecht（左二）、澳門銀河副營運總裁Gabe Hunterton（右二）等人在台上祝酒。