江美儀自嘲冇本錢響鐘
張兆輝、江美儀、Jessica C.（JC）、苗僑偉、黃日華等昨日出席護膚品牌《G.V.G醫之美iCell產品發布會》，中門大開穿deep V裙的JC烏身為模特兒敷Mask大倒「警鐘胸」，十分性感。連跟JC同組的三哥亦說:「唔敢望，唔係到時又唔知寫啲乜!」
身為品牌老闆的張兆輝表示十分開心邀得江美儀任代言人，他說︰「因為佢一路都有用開呢個牌子，唔需我講都已經知呢個產品嘅好處。（佢收你友情價?）都有啲。」談到美儀的代言照十分性感，他說︰「都唔係好搏，係開放啲，我都有事業線啦，以前佢就保守含蓄，依家佢狀態好。」談到香港電視失落牌照，問到已過檔香港電視的老友黃日華有否向他訴苦時，他表示二人都忙︰「做呢行最緊要有實力，默默耕耘去增加競爭力。」
自認成熟穩重
而江美儀聞得輝哥嘲她「冇嘢睇」時，竟表示贊同︰「係呀，都係嗰啲囉，又唔會話多咗忽嘢。（今日好性感？）OK啦，本來件衫係中空仲sexy，但係知自己冇本錢先換過呢件。（怕畀JC搶晒鏡？）唔怕，佢係年輕貌美，我係成熟穩重。」談到香港電視不獲發牌，她亦覺得政府的解釋十分含糊︰「應該講清楚可以改善地方。」
文︰影視組