羅鈞滿轟王維基不負責任
無綫藝人羅鈞滿就王維基的香港電視不獲發牌，昨在Facebook發表意見：「作為電視業一員，當然希望電視業百花齊放。但是請王先生（王維基）勿將自己商業失敗跟社會公義拉上關係。」未幾他又再留言：「王維基先王絕對不負責任和應負全責。」惟羅鈞滿的獨特見解牽動網民神經，惹來網民圍插他「黑白不分」、「擦鞋」及「博上位」，羅鈞滿亦有留言反駁：「我只係針對王先生喺未批牌照前就大肆擴軍，導致今天要大幅裁員的局面。為甚麼批就公義唔批就唔公義？」
羅鈞滿昨晚到電視城開工，問為何狂插香港電視？他說：「大家誤會咗，其實好多香港電視員工都係我訓練班同學，知道王維基要裁員後就開始擔心。我有睇佢記者會，其實裁走唔只嗰320人，背後仲有佢哋嘅家庭。」袁彌明指羅鈞滿腦殘，對此他說：「又唔使腦殘咁嚴重，佢哋誤會咗！」他又表示不會刪除留言。而鄧紫棋（G.E.M.）昨則在Facebook呼籲香港電視不要放棄，並獲網民力撐。