阿叻建議香港電視賣劇
陳百祥（阿叻）昨與陳貝兒、吳雨霏及貝安琪等出席《善心滿載仁愛堂》記招，對於香港電視不獲發牌，阿叻直言「三個發兩個，實有一個失敗」，他認為現在大家多了競爭對手，對藝人是好事，因為可能會身價升十倍。阿叻指以前只得一間電視台，自嘲10年沒加人工：「唔通去亞視咩，我又唔識跳舞。」
阿叻寄望將來百花齊放，至於香港電視不獲發牌會否覺可惜，他說：「冇話可唔可惜，其實係要一個好長線投資，依家獲發牌嘅兩間公司市值成百億千億，搞件事唔係幾十億就得，呢兩個台先係無綫最大對手，做電視係要燒錢，依家無綫變細公司。」談到香港電視裁員，阿叻說：「冇辦法，可以轉做製作公司，將劇賣番畀電視台，我之前都用800萬拍節目賣畀無綫，唔使灰心。」至於簽了無綫經理人合約的陳貝兒還落足鞋油擦公司鞋：「一向睇開無綫，就算發多兩個牌都睇無綫。」問會否返有線？她說：「唔會，我係無綫親生女，啱啱先簽約。」