佘詩曼：天無絕人之路

對於香港電視不獲發牌，TVBC一姐佘詩曼表示：「天無絕人之路，家家有求，只要有實力，乜都唔使怕，（會否擔心好友周家怡同麥子樂嘅前途？）唔擔心，佢哋係好用心嘅專業演員，總有電視台需要好演員。」曾在無綫劇《火舞黃沙》演兔唇女的周家怡接受訪問時直言本月已約滿香港電視，至於無綫視帝黎耀祥則表示：「市場如果擴大咗，舊同事都會喺市場度有嘢做，無論無綫同其他電視台，都會容納到大家，希望大家前景都順利。」
佘詩曼認為好演員一定不愁出路。（資料圖片）
佘詩曼認為好演員一定不愁出路。（資料圖片）

而卓韻芝昨日出席活動時，對於香港電視不獲發牌，她直言十分失望，認為香港電視主席王維基好有心做事，想提高娛樂水平。問阿芝可覺得政府不聽民意，她表示：「佢唔只唔聽，仲逆民意，政府要多啲尊重創意工業！」她又贊成網友發起遊行，覺得有訴求便要站出來。

卓韻芝昨與趙勁皓出席名牌網站活動。
  • 卓韻芝昨與趙勁皓出席名牌網站活動。