黃日華：解散對大家有好處
「香港電視一哥」黃日華直言對香港電視不獲發牌感失望，希望政府解釋「死因」。對於三百多名員工被炒，華哥說：「我會話係和平解散，因為冇牌，亦冇正常運作，解散對大家有好處。（對你有冇影響？）冇，我簽部頭合約，所有工作完咗，反而我擔心八百幾個員工。」她透露女兒黃芷晴跟港視仍有兩年合約，但暫時不心急搵後路。提到網民發起遊行，華哥表示多謝支持，但認為作用不大。問到會否出席？他說：「要了解咩人發起同目的先，如果香港電視搞就一定去。」而黃日華女兒黃芷晴昨晚亦在微博表示對港視申請發牌失敗感到無奈和失望，但無悔加入這個大家庭。
林文龍O嘴
幾位已跳槽港視的前無綫藝人，均對公司不獲發牌及面臨裁員感到可惜，林文龍昨在電台訪問表示得知發牌結果後「擘大個口得個窿」，他說：「局長話所有嘢都公平、公開，但之後話行會有啲嘢唔公布，呢個政府前後矛盾，官字兩個口。」身在加拿大的夏雨指與港視沒有合約，不擔心對前景。問會否回巢無綫，他笑言：「咁要睇吓無綫喇。」
唐寧則稱：「王維基仲好有心，堅信自己做嘅嘢。我當初覺得港視好有誠意同理念一致先加入，無論有咩問題都唔會後悔。」元華過檔後仍未拍劇，原定下月開劇卻突然被叫停，他說：「裁員方面仲未收到任何通知，覺得今次政府黑箱作業同埋太殘忍。」