徐自璇目標 創業做人妻

來自台灣的徐自璇（Cindy），是2006年新西蘭華裔小姐冠軍，擁有高挑身形，天生就是當模特兒的料子，獨自來港發展，曾與不少明星合作，擔任過林峯演唱會的模特兒，亦於「草蜢森巴大戰軟硬Fans演唱會」中擔任比堅尼女郎，坦言是一個非常好的經驗。她說：「喺演唱會上，除咗要擺甫士，仲要舉牌同跳勁舞，係一個好大嘅挑戰！加上草蜢同軟硬都好好人，會同我哋講Good Show，又叫我哋唔使咁緊張，全無架子。」