阿倫：阿梅已成傳奇
已故百變天后梅艷芳（阿梅）於香港仔壽山村道故居內逾千件遺物前日公開拍賣，阿梅好友譚詠麟昨晚出席《星夢傳奇》決賽時，談及阿梅遺物拍賣時眉頭深鎖，他說：「我對拍賣嘅詳情唔太清楚。（曾志偉都有出手競投喎。）好似係演藝人協會幫手，我依家唔係主席唔係咁清楚，都係人哋話我聽。（拍賣遺物係對阿梅不尊重？）阿梅係傳奇人物，有機會都望佢好似李小龍咁可以搞展覽，免得佢嘅遺物四散。」
李克勤提及拍賣遺物一事時，承認聽到消息不太開心：「我係局外人唔知咁多，但一張枱一張櫈都係尊嚴，仲要個歌手生前唔係冇錢。（志偉等人都有幫手競投？）依家有有心人處理到，喜歡阿梅嘅人可以鬆一口氣，都希望有博物館可以放呢啲獎。」
另方面，在阿梅405個遺物拍賣項目中，合共有401項能夠成功交易，總成交額超過五百三十萬，當中阿梅的十一張金和白金唱片以六十萬成交成為全日最高成交價，至於她在演唱會上穿着的旗袍以廿二萬成交。而未能賣出的4個項目主要為名牌衣物，另有近百樣遺物包括衣物、餐桌椅、阿梅和其他歌星的唱片只能以估價五百至千五元賣出。
