陳展鵬炒的士撞爛百萬跑車
無綫劇《巨輪》演員接連發生交通意外，前晚阮兆祥揸車時「大炒」360度打觔斗，昨早陳展鵬接載鍾嘉欣時赴澳門時亦「輕炒」的士，令價值過百萬名貴新跑車車頭損毀。出完活動返港後，他致電警方再次交代事件，又向肇事的士司機商討賠償問題。
昨日劇集《巨輪》演員陳展鵬、鍾嘉欣、阮兆祥、蕭正楠、田蕊妮、貝安琪等到澳門宣傳劇集，出發前，展鵬駕駛落地兩個月、價值逾130萬元紅色積架F-TYPE S跑車，順路接載嘉欣到碼頭，駛至近上環港鐵站時與一輛的士發生輕微碰撞。展鵬擔心男女主角一齊失場，故叫嘉欣先到碼頭出發，由他善後，最終獲贊助搭直升機到澳門，準時出席活動。
小意外當擋災
展鵬受訪時表示幸好沒有人受傷：「冇嘢，同的士司機有共識，人哋係搵食車，我哋決定私下和解，之後會再聯絡傾賠償。」他坦言擔心令宣傳受阻，並為阻塞交通約十多分鐘而致歉。提到他駕駛過百萬元跑車時，展鵬稱：「如果我話唔使錢有車揸，你都唔信啦！（自己車？）係我揸嘅。（撞成點？）好小事，架的士嚴重啲，小意外當擋災。（肉赤？）冇嘢，買咗全保，小問題。」他又稱知道阮兆祥前晚發生交通意外：「比起佢我好小事，最重要大家交通安全。」
與展鵬同車的嘉欣近排亦黑事連連，早前她與馬德鐘拍劇時受傷，嘉欣坦言最近有很多意外，盼大家平安。她憶述意外說：「其實當時都唔知發生咩事，我烏低頭整鞋，一抬起頭就發生意外撞到架的士。」」
貝安琪酸溜溜
活動中，展鵬與傳緋聞的貝安琪表現煞有介事,但仍大方合照。展鵬解釋：「因為心情未平復，唔係驚尷尬。」貝安琪則說：「係咩？展鵬同嘉欣撞車呀，我覺得not so good。」承認有少許尷尬的她直認有問候展鵬，並為所有人祈福。事後問她有否嬲展鵬不駕車送她到碼頭？她酸溜溜地說：「我冇嬲，唔會嬲佢，（知佢買咗新車？）知，睇過相，幾靚，但冇坐過，我邊有嘉欣咁happy？」同場的田蕊妮對於老公杜汶澤在社交網上載赤裸上身穿布襠的照片，她指初時看到嚇一跳，並取笑老公「冇咁長」。
展鵬出席完活動後從澳門返港，駕駛昨早發生意外的跑車回家。下車時，他除了致電警方再次交代事件，又致電肇事的士司機傾賠償問題。
另外，《巨輪》演員頻頻發生意外，堪輿學家李丞責指「巨輪」二字共有十九畫，屬水，加上今年是蛇年，處於驛馬位，代表易有交通意外。但他補充：「依家過咗太歲誕，影響開始冇咁大，加上大難不傷必有後福，過咗小波折，收視會愈來愈好。」
文：專案組