梅艷芳母親覃美金前日已狂轟有關方面將阿梅過千件遺物拍賣，昨日她在電話中依然勞氣說：「都阻止唔到拍賣，去嚟做乜！如果阿梅睇到都唔開心，拍賣會前，有班歌迷想用底價買番晒阿梅啲遺物，將佢畀番晒歌迷會，但有關方面堅持唔肯賣。」
對曾志偉聯同阿梅生前好友一齊投得阿梅的獎座，她說：「係呀？佢哋投完點我唔知。」梅媽表示早在04年已花費數萬元搵專人畫了梅艷芳紀念館的圖則，希望可放置阿梅的全屋傢俬、遺物等，甚至曾與政府洽談，奈何沒有錢興建。」
