朱潔儀着校裙捐靚畫
前港姐朱潔儀（Donna）前晚出席品牌活動，獲高層力讚穿得好睇，她說：「佢話我套衫襯得好好睇，其實每次出席活動前幾日，我對自己都好嚴格，例如一定要早瞓保持狀態，仲要食得清淡，突然生粒暗瘡就唔好，對主人家係種尊重。」
Donna透露演藝人協會下月舉行慈善籌款晚會，她會捐一幅自己的畫拍賣：「係幅牡丹花，今次係割愛，之前去洛陽寫生畫嘅，對我嚟講好有意義，但考慮到做善事當然義不容辭。」她還說該晚會以校服做主題，幸好一直將中學的校裙收藏在家：「條裙仲好啱身，媽咪見到都大讚有那些年感覺。」