羅仲謙拍動作片預咗見紅
藝人羅仲謙出席SK-II護膚品牌活動，提到《飛虎II》頻發生意外？他表示知道馬德鐘受傷入院：「自己都傷咗幾次。（緋聞女友楊怡有冇心痛？）身邊朋友都叫我小心啲，要錫住身體，動作片係易見紅，預咗，監製搵我哋，知我哋捱得。」
問到公司有否幫他們買保險？他表示：「公司一定有幫我哋做安全措施，自己有買人壽、住院等保險，有乜事都保。」問到是否為將來的另一半着想？他直言男人要未雨綢繆，應該為家人着想。他亦透露11月會第一次拍古裝劇，會戴頭套，胡杏兒是他劇中其中之一的太太，而另一位太太他就大賣關子。