Lea T.多仔吼懶理啟山呷醋
霍啟山緋聞女友兼模特兒Lea T.前晚與男伴雙雙出席晚宴，以真空露半球兼凸點上陣的Lea與男伴又翹手又攬腰，全程風騷甜笑，懶理啟山呷醋。
前晚Lea T.身穿中空晚裝現身晚宴，正面凸點，側面露半球，性感上陣的她甚搶鏡。她翹實外籍男伴到場，合照時輪到男方主動攬實Lea的纖腰，二人表現親暱，不過Lea否認對方是男友：「唔係男友，係好朋友，係去舞會嘅男伴，我有好多好朋友。」她稱對方叫JJ，從事珠寶行業。問到JJ是否追求她？Lea冧爆甜笑說：「我唔知，你咁問會令我好怕醜。（啟山會唔會呷醋？）或者啦，唔知呀！（有冇其他靚仔追你？）有好多男仔喺身邊不停轉囉﹗」
趙世曾有新女
至於富豪趙世曾亦帶同新女伴到場，他大方介紹說：「佢係我大陸寫字樓嘅營業部經理，叫Dora，佢幫我公司做咗好耐嘢。（做家務﹖）人哋千金小姐，唔使做，屋企大把人做家務，有十個工人。」問二人拍拖多久？他不肯正面承認：「佢幫我公司做咗好耐。（差啲乜先可以做正印？）見多幾次咪知我哋發展順唔順利。」訪問期間Dora一直站在趙世曾背後，記者笑指對方是他的背後女人？他乘機大讚：「佢好幫得手，不過驚咗你哋。」至於趙世曾女兒趙式芝與「老婆」楊如芯亦在場，未知四人會否交流一番。
周汶錡慶紙婚
同場還有名模馬詩慧與大女王曼喜、剛誕下女兒的Lisa S.、太子珠寶鐘錶主席鄧鉅明太太宣宏雁、周汶錡與老公Julien等，場面熱鬧。而周汶錡與Julien昨日已前往外地旅行慶祝結婚一周年（紙婚），周汶錡還把二人去年的婚照放上社交網站。
文：名人組