珍妮花羅倫絲黑白青春
不少時裝設計師都愛玩The art of contrast，以對比色令服裝造型更加鮮明突出，加強視覺效果和層次感，還可以修飾身形線條，揚善隱惡。當中就以黑白配最經典永恒，今季亦特別流行，所以中外一眾女星大愛這個對比色配搭，紛紛以黑白配演繹The art of contrast。名模陳嘉容就大讚奧斯卡金像獎影后珍妮花羅倫絲時尚青春，桂莉芙白德露則優雅得體。
珍妮花羅倫絲
「充滿青春活力，好有時尚感，露腰Top盡騷佢嘅Fit爆身材，條裙同對鞋亦都好特別，由頭到腳都好靚。」
愛瑪沃森
「幾靚，件Top好特別，褲腳都好靚，不過條褲唔係咁襯佢，換條貼身褲會仲型仲Fashionable，騷番雙腿嘅線條，就型得嚟又性感。」
蔡依林
「好彩佢夠瘦，條裙本身好難Carry，好Bulky，好易着到成個波咁，Jolin佢算着得靚，對腳亦無顯得短咗，配埋梳高咗嘅金髮可以拉番高個線條，係佢嘅身形、化妝同髮型補救番。」
桂莉芙白德露
「Classic大方得體嘅打扮，顯得身形線條好修長，件Top好特別，下身簡簡單單已經好好睇，長髮感覺好舒服。」
Taylor Swift
「典型嘅美國女生打扮，但就唔係咁Fashionable，條裙都難Carry，多一啲肥肉都唔得，好彩佢身材、樣貌同金髮襯埋着得好睇。」
李玟
「套衫好靚，黃色鞋係亮點，髮型化妝都靚，Accessories亦配搭得恰到好處，但可能條裙嘅Size唔係咁啱，顯得唔係咁啱身，望落大隻咗。如果條裙貼身番啲見番多啲線條，突出番佢玲瓏浮凸嘅身材會靚啲。」
陳嘉容Profile
香港著名模特兒陳嘉容（Eunis），曾為各大國際品牌行時裝騷，在時裝界打滾多年，在時裝的理論還是實戰都難不倒她，近年更為電視時裝節目擔任主持，化身stylist教人配襯衣着打扮。