張文慈浪漫歎fusion菜

身形弗爆的張文慈（Pinky）原來是饞嘴一族，經常相約三五知己四出覓食。由於間中會到西貢練習高爾夫球，對附近「西沙茶座」的美食情有獨鍾，她說：「其實除咗美食，有時都會『食景、食氣氛』，下午嚟幫襯，對住靚景兼曬太陽，感覺好relax，而晚上音樂同燈光配合，氣氛比較浪漫。」餐廳更有駐場外籍結他歌手專為客人演唱，難怪Pinky笑言他日拍拖，定必帶男友去撐枱腳。
Pinky大讚茶座的fusion菜有特色。
Pinky大讚茶座的fusion菜有特色。

餐廳以印度菜及泰菜作fusion，一向喜歡包點的Pinky見到馳名的薄餅更是兩眼發光：「呢度嘅薄餅有5款口味，做得相當鬆化，我可以食唔停口，嚟到一定要order。」老闆黃先生為照顧不吃辣的客人而引入的白咖喱，亦是Pinky不二之選：「我唔係幾辣得，呢種咖喱比較偏甜惹味，同薄餅一齊食就冇得頂。」餐廳出品的冬蔭公及開邊蒜蓉大蝦同樣獲得Pinky極力推介：「每隻蝦都手掌咁大，大得嚟啲肉又夠滑。另一味『海鹽炭燒魚』花嘅工夫就最多，要用特製大炭爐嚟燒。」

美食靚景還有樂手演奏，令Pinky十分享受。
  • 美食靚景還有樂手演奏，令Pinky十分享受。