歌手許廷鏗前晚與前亞姐黎燕珊出席「福揚行」及「港九藥房總商會」攜手舉辦的慈善晚宴，許廷鏗表演時，不少女士衝到台前，被司儀森美取笑「畀中女圍」。將於年底舉行處男個唱的許廷鏗近日努力操肌，問到進展如何？他邊摸肚邊說：「摸到有幾舊喇。」
另外，以「仁美清叙」主席身份出席的黎燕珊問到會否搵亞視幫手籌款？她說：「連叫新亞姐出席『仁美清叙』活動都唔畀。」問到何時與亞視交惡？黎燕珊說：「唔續約之後唔同咗，使唔使咁現實？」
