陳茵媺返港陳豪捱眼瞓接機

懷孕五個月的陳茵媺昨日從加拿大啟程返港養胎，預計今晨五時許抵港，陳豪昨日則於西環拍攝新戲，繼續搵奶粉錢，至昨晚十一時才完工，休息數小時又要到機場接老婆，認真頻撲。陳豪受訪時被問有何準備？他笑言：「期待嘅心情。（太太有冇話返香港想食乜？）冇特別要求，我諗佢返嚟，我喺身邊照顧佢係最緊要。」孕婦搭長途機很易雙腳水腫，問陳豪可會為陳茵媺按摩？他說：「哈哈！我唔會話你知，呢啲咁親密嘅嘢，留番我哋兩公婆知啦！」他又指老婆佗B佗得好好，是一位靚媽咪。