葉熙祺認單身：點解疏遠我

郭富城與葉熙祺七月尾傳出緋聞，最近有傳城城不滿女方多次高調談感情事，令兩人發展短短兩個月便告一段落。葉熙祺昨日出席時裝活動，透露前日才抵港，沒有見過城城，問有否聯絡城城？她說：「間中，中秋有聯絡，自己嗰日玩得好癲，第二日先覆佢。（你覆佢咩？）中秋快樂。」

冇講過拍拖

對於有傳城城疏遠她，並劃清界線，葉熙祺有備而來說：「我講過我住佢隔籬，冇乜好疏離，何來劃清界線？從來冇講過拍拖，我單身。」被問到兩人是否朋友都冇得做？她淡定地說：「咁要聽吓佢點講先。（打電話問城城？）唔使。（會否再約佢出街？）大家都好忙，我今次只留兩三日，睇吓時間許唔許可。（佢知唔知你嚟咗香港？）未通知朋友。」

問到葉熙祺會否因被城城疏遠而感傷害？她自信地說：「都冇呢回事，點解要話疏遠我。（有指你放料令城城疏遠你？）我唔覺，大家間中聯繫，朋友嘛！」

郭富城與自己的蠟像自拍，他昨避談舊愛熊黛林。

陳喬恩（右）最近受情傷。

避談熊黛林

而郭富城昨日連同《西遊記之大鬧天宮》一眾演員甄子丹、陳喬恩、張梓琳等現身杜莎夫人蠟像館，為戲中角色造型的蠟像揭幕，飾演牛魔王的城城，大讚其造型維肖維妙，他透露本身已有蠟像，但今次造得更精緻。被問到舊愛熊黛林最近頻頻拖新歡陳昊亮相，城城不願多說：「唔係自己嘢唔講。」繼而轉話題，指在戲中同陳喬恩做夫妻，對於陳喬恩最近受情傷，城城說：「唔覺，我同佢成日講心事。（咁close？）喺戲入面啫，我哋係夫妻。」

文：名人組