吳綺莉賀鄭明明受勳
「美容教主」鄭明明榮獲香港政府授勳「銅紫荊星章」，前晚她盛裝出席慶祝晚宴，丈夫和細女都有現身支持，好友羅霖、吳綺莉、張文慈等也有到場祝賀。而明明姐亦表現開心，問到如何慶祝？她說：「今晚食飯已經係慶祝，10月26日先授勳，嗰日晏晝都會食飯。（老公送咩禮物畀你？）無呀，唔記得咗！」她又透露剛從武漢回來，因為11月會在當地舉行美容大會。
吳綺莉就認為所有女生都應該向明明姐學習，最欣賞她不屈不撓的精神，繼而透露傭工早前辭職，她要兼顧家務和湊女，笑言消瘦和憔悴了。有機會的話她亦想拍劇：「個女出年15歲，如果暑假拍就可以帶埋佢去。」她又感恩女兒沒有反叛期：「小朋友好乖，佢成績好好，唔使補習，佢之前話唔開心，原來佢有科拎B+，其他都係A。」她表示女兒喜歡動物，故之後或會到外國修讀獸醫科。
