鍾采羲出浴任睇 唔益彭浩翔
導演彭浩翔於王晶新戲中首當演員，跟靚女鍾采羲（Iris）及羅子喬（Bella）合作，彭浩翔更跟Iris演情侶，怎料身為「男友」的他竟從報章上才知Iris有噴血出浴戲，令彭浩翔搞笑大呼「好嬲」：「畀我去現場『裝』下都得啫！」
導演彭浩翔早前轉攻影壇單挑杜汶澤，於王晶新戲《爛滾夫鬥爛滾妻》中演出一角，問他會否繼續轉攻幕前實行搶阿澤飯碗？彭浩翔笑言：「佢『逗』住我，我先有機會演出，我係下把位嚟啫！（有網友話你靚仔過佢！）呢啲真嘢唔好攞出嚟講，呢個係佢點解成日攻擊我、妒忌我嘅原因！」搞笑功力不遜於阿澤，彭浩翔於新戲中更與對方及鄒凱光大玩爆肚，笑料十足，而鄒凱光亦讚彭浩翔做演員終於識笑，彭浩翔直言：「做導演要管好多嘢，做演員少理好多，當然輕鬆。」
「裝」下都無
彭浩翔在片中跟Iris演情侶，估不到，作為「男友」的他不知Iris有場噴血出浴戲：「呢場戲我打開報紙先知，我幾嬲呀，做情侶無親熱都算嘞，出浴戲竟然我唔喺現場，其實『裝』下都得啫，頭先見到導演（王晶）唔記得同佢投訴。」Iris與Bella對今次能跟彭浩翔合作，直言很開心，不過Iris就對出浴戲有些不滿，因當時自己太過「肥妹仔」：「嗰陣係我人生高峰（指體重），真係覺得對唔住晶哥，佢畀咗個咁好嘅機會我，我依家已經減咗十磅，之後佢再叫我拍戲，我一定瞓身去做。」
文：影視組